Sunday 24 June 2012

காற்றோடு முட்டி மோதி !


புழுதியோடு புகையும்
விடியலோடு ஓட்டமும்
வியர்வையோடு தேடலும்
விடை காணாது தொடர

காற்றோடு முட்டி மோதி
கனவினை தள்ளி வைத்து
சுடும் உறவுகளுக்கு
சுருக்கமாய் முன்னுரை கூறி
ஆடையில் சுத்தமும்
அருகில் நட்பும் சூழ ...

அள்ளிவைத்த மதிய
உணவோடு அரை மணி நேர
தாமதமும் சேர்ந்து அழுத்த
ஆசிரியரை நெருங்கும்
மாணவனாய் ...
மனம் தாமதத்திற்கான
காரணம் தேடியபடி ..
கை கட்டி நிற்கிறது .

5 comments:

  1. மிக தெளிந்த சமூக கவிதை நன்றி

    ReplyDelete
  2. அடுத்த பதிவு மறைந்து விட்டதே...

    ReplyDelete
  3. அருமை... மற்றய பதிவை பார்க்க முடியவில்லை அக்கா...

    ReplyDelete
  4. நல்ல சிந்தனை...சூப்பர்

    ReplyDelete