மலரும் மணமும் !

நேத்துப் பூத்த ரோசாவ

நின்னுப் பார்க்கும் ராசாவே

காத்தடிக்க உதிர்ந்திடுமே

கன நேரம் துடித்திடுமே

இதழ் இதழா உதிர்கையில

இவ நெனப்பு உனக்கில்லையா ?

பூவாசம் உனைத் தீண்டையில

புது வாசமா இவ மணக்கலையா ?

அசைந்தாடும் செடியினிலே

அசையுதைய்யா என் உசிரு

பச்சை நிற இலையினிலே

படர்ந்திருக்கும என் நேசம்

நித்தம் உனக்குச் சொல்லலையா ?

நினைப்பிருந்தா வாருமைய்யா ?

திங்கள் மூனு ஓடிப்போச்சி

தினக்கூட்டமும் குறைந்து போச்சி.

சந்தையில தானிருப்பேன்

சங்கதிக்குக் காத்திருக்கேன்.