பாக்காம போறியே !

 

ஆத்தோர நாணலுந்தான்

அவன் வரவை கூறிடுதே

பறிச்சி வைச்ச மொட்டெல்லாம்-திரும்பி

பார்க்கும் முன்னே மலர்ந்திடுதே

முடிஞ்சி வைச்ச கனவினிலே-சொல்ல

முன்னூறு மீதமுண்டு....

மரநிழலும் காத்திருக்கு

மனம் முழுக்க ஆசையிருக்கு

முறைச்சிப் பார்த்து போறவறே

முன்னெதிரே வந்தாயென்ன

முளைப்பாறி கட்டி வச்சேன்-உன்

முன்கோபம் தீர்ந்திடவே

நாலு வார்த்த பேசி போனா-உசுர

நாள பொழுது தாங்கிடுமே

காக்க வச்சி பார்த்திருந்தா-மனசு

காயம் பட்டுப் போகுமய்யா.

சேர்த்தனைச்ச சேறாலே

தேங்கி நிக்கும் நீரய்யா-உனக்கு

பார்த்துவச்ச பொண்ணு இவளை

திரும்பி பார்க்காம போவதேன்யா ?